Fillon nga Pompei vizita e Papës Françesku në Napoli më 21 mars
Pompei, “porta” që hap shtegtimin e tretë të Papës në Campania. Të shtunën, më 21
mars 2015, do të nisë pikërisht nga Shenjtërorja mariane vizita e Françeskut në Napoli.
Është një etapë e shkurtër, por e ngarkuar me veprimtari , me të cilën Papa dëshiron
t’ia besojë veten Zojës Rruzare. Kryeipeshkvi-prelat e delegat papnor i Pompeit,
imzot Tommaso Caputo, ua përcolli besimtarëve lajmin, duke e quajtur vizitën e Papës,
dhuratë e madhe për këtë bashkësi, devocioni marian i së cilës është edhe rrënja e
angazhimit të Kishës së Pompeit për më të fundmit e më nevojtarët. Sot, më shumë
se kurrë, nënvizoi prelati, nuk kanë munguar motivacionet e dashurisë së krishterë,
lidhur ngushtësisht me kërkesat e drejtësisë e të respektimit të dinjitetit të çdo
njeriu. Përveç ngazëllimit për ardhjen e tij, presim që Papa të na e tregojë udhën,
të cilën duhet ta ndjekim për të qenë më pranë e më solidarë me njerëzit tanë.
Kujtojmë
se Pompei e Napoli u vizituan disa herë nga papët. Më 21 tetor 1979, Shën Gjon Pali
II vizitoi njëherësh Pompein e Napolin, duke e nisur vizitën pikërisht nga Shenjtërorja
mariane, ku u rikthye përsëri më 7 tetor 2003, për mbylljen e Vitit të Rruzares. Më
19 tetor 2008 edhe Papa Benedikti XVI e vizitoi Shenjtëroren e Pompeit.