Ֆրանչիսկոս Քահանայապետի ցաւակցական հեռագիրը Յիսուսեան Հայր Ժուզէփփէ Փիթթաուի մահուան
ի լուր։
(Ռ.Վ. 28 դեկտեմբեր 2014) Շաբաթ, 27 դեկտեմբերին, Յիսուսեան միաբանութեան
անդամ` գերապայծառ Ժուզէփփէ Փիթթաուի մահուան ի լուր, Ֆրանչիսկոս Քահանայապետը, Յիսուսեան
միաբանութեան ընդհանուր մեծաւոր՝ Հայր Ատոլֆօ Նիքոլաս Փաքոնիին հեռագիր մը յղեց , որուն
մէջ յայտնեց իր խորին ցաւակցութիւնը, Յիսուսեան միաբանութեան բոլոր անդամներուն, ինչպէս
նաեւ բոլոր անոնց, որոնք կ՛ ողբան վերոյիշեալ կրօնաւորին մահը, որ իր կեանքը ապրած
է, Աւետարանը հռչակելով ։Հեռագիրին մէջ Ֆրանչիսկոս Պապը, թուելով հանգուցեալ կրօնաւորին՝ Ճաբոնի մէջ եւ Սուրբ Աթոռի մօտ տածած առաքելական ծառայութիւնները, Հանգուցեալին հոգին յանձնած է Տիրամօր մայրական բարեխօսութեան եւ Քրիստոսի Յարութեան ճրագին՝, իր մխիթարական առաքելական օրհնութիւնը շնորհելով բոլորին։
| All the contents on this site are copyrighted ©. |