Papa Françesku shpreh ngushllimet për vdekjen e atë Pittau, apostull i Japonisë
Françesku shpreh dhimbjen e tij të thellë për humbjen e kryeipeshkvit Giuseppe Pittau,
që ndërroi jetë dje, në Tokio: apostull i madh jezuit në Japoni, ishte 86 vjeç. Në
mesazhin e ngushëllimit drejtuar eprorit të përgjithshëm të Shoqërisë së Jezusit,
atë Alfonso Nicolás, Papa e kujton si “shërbyes shembullor i Hyjit, që jetoi për kauzën
e Ungjillit”. Nënvizon, më pas, apostullimin e tij misionar plot bujari në Japoni
dhe angazhimin si rektor i Universitetit Sophia të Tokios, i Universitetit Gregorian
në Romë e si sekretar i Kongregatës për Edukimin katolik, nga vitet 1998, deri më
2003.