Даклад: пераслед хрысціян у мусульманскіх краінах не выпадковы і сістэматычны
Амерыканскі “Gatestone
Institute” працягвае публікацыю дакладаў пра пераслед хрысціян у свеце. Новая справаздача
змяшчае інфармацыю аб злачынствах супраць хрысціян як у краінах з мусульманскай большасцю,
так і пра сітуацыю з пераследам паслядоўнікаў Хрыста ў пераважна хрысціянскіх краінах.
Так, у Іраку баевікі “Ісламскай дзяржавы” разбурылі старажытны “зялёную царкву” у
горадзе Тыкрыт, якая належыць асірыйскай супольнасці. Цікава, што яна была цалкам
адноўлена ў 1990 г. па загадзе Садама Хусэйна. У Нігерыі мноства хрысціянскіх храмаў
і навучальных устаноў былі вымушаныя зачыніцца на тэрыторыях падкантрольных “Бока
Харам”. Каля 350 хрысціян былі забітыя ў выніку нападаў. У Пакістане 4 мусульманіна
згвалтавалі 15-гадовую хрысціянку і знялі злачынства на відэа.У Саудаўскай Аравіі
былі затрыманы за “практыку хрысціянства” 27 вернікаў, у тым ліку жанчыны і дзеці.
Гэта толькі некалькі прыкладаў пераследу паслядоўнікаў Хрыста з краін з мусульманскай
большасцю.
Што тычыцца антыхрысціянскіх акцый на тэрыторыі пераважна хрысціянскіх
дзяржаў, аўтары дакладу прыводзяць прыклады вандалізму ў амерыканскім Калумбусе. У
Даніі, якая ў 2013 г. прызнана “самай шчаслівай краінай свету”, хрысціяне блізкаўсходняга
паходжання падвяргаюцца нападкам з боку мусульман.
Факты, прыведзеныя ў дакладзе,
маюць на мэце даказаць, што пераслед хрысціян у ісламскім свеце не выпадковы і сістэматычны.
Яго прычына караніцца ў светапоглядзе, заснаваным на законах шарыяту.