Папа на Божае Нараджэнне: дазвольце Богу наблізіцца да вас
“Як моцна сённяшні
свет патрабуе пяшчоты!” - адзначыў Францішак 24 снежня 2014 г. познім вечарам падчас
св. Імшы на Божае Нараджэнне ў базыліцы св. Пятра. Папа казаў у сваёй гаміліі пра
цярплівасць, блізкасць, пакору і пяшчоту Бога. Ён звярнуў увагу, што, калі мы сузіраем
нованароджанага Езуса, Які ляжыць у яслях, мы павінны задумацца: “Як прымаем пяшчоту
Бога? Я дазваляю, каб Ён прыйшоў да мяне, абняў мяне ці перашкаджаю Яму наблізіцца?”.
Але самае галоўнае, дадаў Папа, нават не шукаць Бога, а дазволіць, каб гэта Ён мяне
знайшоў і наблізіўся з пяшчотай. Затым Пантыфік спытаў: “Ці ёсць у нас мужнасць пяшчотна
прыняць складаныя сітуацыі і праблемы людзей, якія стаяць вакол нас, ці, хутчэй, мы
аддаем перавагу безасабовым рашэнням, магчыма, эфектыўным, але пазбаўленым цяпла Евангелля?”.
Францішак таксама звярнуў увагу на тое, што Бог у любові падыходзіць да нашай мізэрнасці.
“Ён сам робіць сябе маленькім, каб лягчэй сустрэцца з намі. Таму мы не можам не адчыніць
дзверы нашага сэрца, а не папрасіць Яго: “Пане, дапамажы мне быць як Ты, дай мне ласку
адчувальнасці у самых складаных абставінах жыцця, дай мне ласку блізкасці у абліччы
кожнай патрэбы, лагоднасці ў кожным канфлікце”, - сказаў Папа і заклікаў сузіраць
яслі, таму што менавіта там можна “убачыць святло вялікае”. Яго ўбачылі простыя людзі,
якія жадалі прыняць дар Божы. У адрозненне ад людзей пышлівых, ганарлівых, якія ўстанаўліваюць
правы паводле сваіх асабістых крытэрыяў, якія прымаюць паставу закрытасці”, - сказаў
на заканчэнне папа Францішак.