Կազայի քրիստոնեաներուն 700 արտօնագիր տրուեցաւ ս. Ծննդեան արարողութիւններուն մասնակցելու
համար։
(Ռ.Վ. 24 դեկտեմբեր 2014) Իսրայէլեան իշխանութիւնները 700 արտօնագիր շնորհած
են Կազայի քրիստոնեաներուն, թոյլատրելու անոնց մասնակցութիւնը Բեթղեհէմի ծննդեան արարողութիւններուն,
մինչ անդրյորդանանին` շնորհուեցաւ աւելի քան 25 հազար արտօնագրեր, հաղորդած է գերապայծառ
Ուլիամ Շոմալի Երուսաղէմի Լատիններու օգնական եպիսկոպոսը ու Լատին պատրիարքութեան փոխանորդը
Պաղեստինի մէջ։ Արտօնագրերու թիւին յաւելումը` ըսաւ գերապայծառ Շոմալի, պտուղն է
ֆրանչիսկոս Քահանայապետին Ս. Երկիր այցելութեան։ Ան դիտել տուաւ թէ բազմաթիւ են այն
քրիստոնեաները որոնք տարիներէ ի վեր զրկուած են իրենց սիրելիներուն ու պարագաներուն
տեսութենէն, իսրայէլեան պատի բաժանումի հետեւանքով։ Բեթղեհէմը` մայրաքաղաքը քրիստոնէութեան,
այս տարի լոյսերով կը պսպղայ եւ ուխտաւորները բազմաթիւ են։ Յիսուսի ս. Ծննդեան տօնակատարութեան
առանցքը կը հանդիսանայ 24 դեկտեմբերի ճրագալոյցի ս. պատարագը, որ կը մատուցէ գերերջանիկ
Թուալը` Երուսաղէմի Լատիններու պատրիարքը, Ծննդեան պազիլիքային մէջ, ներկայութեամբ դիւանագիտական
մարմնին, Պաղեստինի բարձրաստիճան անձնաւորութիւններուն ու բազմաթիւ հաւատացեալներուն
եւ ուխտաւորներուն։