Radio Vatikani do ta transmetojë Meshën Shenjte të natës dhe Bekimin Urbi et Orbi
të Françeskut drejtpërdrejt, në Youtube, në variantin shumëgjuhësh. Kronika mund të
dëgjohet në pesë gjuhë: gjermanisht, frëngjisht, anglisht, spanjisht e portugalisht.
Përmes një kanali tjetër mund të dëgjohet Papa vetëm në gjuhën italiane. Takimet
papnore festive janë dy: sot, 24 dhjetor, nga ora 21.30, Mesha e Natës; nesër, duke
nisur nga ora 12.00, Bekimi Urbi et Orbi - Romës e Botës. Këto dy ngjarje të Festës
së madhe mund të ndiqen nga çdo lloj kompjuteri, tableti e smartphoni, në adresën
“youtube.com/vatican”. Të njëjtat kremtime shumëgjuhëshe do të transmetohen njëkohësisht
në Vatican Player, në adresën “radiovaticana.va”, edhe me kronikën e Meshës së natës
në gjuhën kineze. Gjithnjë në Yuotube e në Vatican player, në variantin shumëgjuhësh,
do të jetë e mundur të ndiqet Mesha Shenjte e Solemnitetit të Marisë, më 1 janar 2015,
duke nisur nga ora 10.00.