2014 год выдаўся для
Святога Айца вельмі плённым. Ён правёў 5 замежных падарожжаў у 7 еўрапейскіх і азіяцкіх
краін, у тым ліку у Палестынскую аўтаномію. Столькі ж разоў ён падарожнічаў па Італіі
і наведаў 8 парафій Рыма. Падчас 3 абрадаў хросту Францішак удзяліў гэты сакрамэнт
43 асобам, у тым ліку 32 дзецям. Папа пасвяціў 13 святароў, аднаго біскупа і благаславіў
шлюб 20 пар. 24 арцыбіскупам мітрапалітам ён уручыў паліі. На сваім першым кансісторыі
прызначыў 19 кардыналаў. Францішак прыняў на аўдыенцыях 76 палітыкаў з 66 краін і
міжнародных арганізацый. Падчас 13 абрадаў беатыфікацыі былі абвешчаны благаслаўлёнымі
137 асоб. Святы Айцец узначаліў таксама 3 кананізацыі, дзякуючы якім Касцёл атрымаў
11 новых святых. У мінаючым годзе адбыліся 43 агульныя аўдыенцыі, у якіх прынялі ўдзел,
па меншай меры, 1,2 млн асоб з усяго свету. Менавіта такой была колькасць квіткоў,
выдадзеных вернікам для ўваходу на плошчу св. Пятра.