Ս. Ծննդեան Պատրաստութիւն Զմմառու Վանքին մէջ

Երկուշաբթի 22 Դեկտեմբեր 2014-ին, ինչպէս ամէն տարի, Զմմառու վանքի Մայր Եկեղեցիին մէջ, կէսօրին՝ հոգեւոր կրթութիւն կատարուեցաւ ի պատրաստութիւն Ս. Ծննդեան մեծ և սքանչել տօնին: Այս հոգեպարար յայտագրին իրենց մասնակցութիւնը բերին Պատրիարքական Փոխանորդ՝ Հ. Գաբրիէլ Թ.Ծ.Վրդ. Մուրատեան, Վարչական Հայրերը և նորընծաները: Օրուան քարոզիչն էր Արհի. Գէորգ Արք. Խազումեան, որ խորհրդածեց Ս. Ծննդեան խորհուրդին մեծութեան և անոր հոգեւոր շնորհքներուն և պարգեւներուն մասին: Երեկոյեան դէմ՝ Գերապայծառ Հայրը նորընծաներուն Ս. Պատարագ մատուցեց: Ապա գիշերը՝ ժամը 8:30-ին, այս կէսօրեայ հոգեւոր կրթութիւնը փակուեցաւ Աւետարանական սերտողութեամբ, զոր վարեց Պատրիարքական Փոխանորդ և Զմմառու վանքի Մեծաւոր՝ Հ. Գաբրիէլ Թ.Ծ.Վրդ. Մուրատեան: Ան խորհրդածեց Ղուկաս Աւետարանի՝ Մարիամի Աւետումի և Յիսուսի Ծննդեան դէպքերուն շուրջ, մեկնելով անոնց հոգեւոր և աստուածաբանական իմաստէն: Հանդիպումը իսկապէս հոգեւոր մթնոլորտ մը ստեղծեց, որպէսզի Ս. Ծնունդը դառնայ ապրում և Յիսուս Մանուկը գայ իւրաքանչիւրիս սրտին մէջ բնակելու: