Францішак маліўся за ахвяраў тэрактаў у Пешавары і Сіднэі
Пантыфік заклікаў
да малітвы за ахвяраў тэрактаў. 17 снежня падчас апошняй у 2014 г. агульнай аўдыенцыі
на плошчы св. Пятра Францішак сказаў: “Цяпер я хацеў бы памаліцца разам з вамі за
ахвяраў бесчалавечных тэрарыстычных актаў, якія адбыліся ў апошнія дні ў аўстралійскім
Сіднэі і пакістанскім Пешавары. Няхай Пан адорыць памерлых сваім спакоем, дасць суцяшэнне
іх сем’ям, і наверне сэрцы тых, хто пашырае насілле і не спыняецца нават перад дзецьмі”.
Некалькі
чалавек загінулі і атрымалі раненні падчас штурму кафэ ў Сіднэі, дзе тэрарыст захапіў15
снежня 2014 г. закладнікаў. Людзі знаходзіліся ў палоне ў ісламіста больш за 17 гадзін.
У пакістанскім Пешавары 16 снежня 2014 г., у выніку атакі пакістанскіх талібаў
на школу, было забіта не менш за 140 чалавек. Ахвярамі нападу сталі больш за 130 дзяцей
і некалькі работнікаў школы. Не менш за 120 чалавек былі паранены.