Papa: Pakistan e Sidnej, akte çnjerëzore. Të ndalet dhuna
“Dua të lutem së bashku me ju për viktimat e akteve çnjerëzore terroriste të ditëve
të kaluara në Australi, në Pakistan e në Jemen. Zoti u dhashtë paqen të vdekurve,
ngushëlloftë familjarët dhe ndryshoftë zemrat e agresorëve”. Kjo qe lutja e Papës
Françesku, në përfundim të audiencës së përgjithshme. Pasi kërkoi një minut heshtje,
Ati i Shenjtë bëri thirrjen e tij të zjarrtë për kthimin në udhën e Zotit të terroristëve,
“që nuk ndalen as përpara fëmijëve”. “Le të këndojmë Atynën për t’i kërkuar Hyjit
këtë hir”, u tha më pas besimtarëve.