“Каталіцкія СМІ маюць
вельмі складаную місію” – спрыяць камунікацыі паміж людзьмі, нагадаў Пантыфік. Ён
сустрэўся 15 снежня 2014 г. у Ватыкане з калектывам італьянскага каталіцкага тэлеканала
“TV 2000”. Часта працэс зносін паміж людзьмі падвяргаецца прапагандзе, ідэалогіі,
кантролю з боку палітыкі, эканомікі або тэхналогій. Камунікацыя, у першую чаргу –
гэта гаварыць праўду у твар са шчырасцю і свабодай, перакананы Папа. Ён нагадаў пра
“грахі сродкаў масавай інфармацыі” – дэзінфармацыю, паклёп і зневажанне. Сапраўдная
камунікацыя ніколі не скіравана на тое, каб “ударыць” у чалавека. А менавіта гэтым
часта “грашаць” сучасныя медыя, падкрэсліў Пантыфік. Паклёп ён назваў “самым сур’ёзным”
з трох грахоў СМІ, хоць найбольш шкодзіць камунікацыі дызінфармацыя, паколькі яна
зводзіць у зман, прымушае верыць толькі ў частку праўды.
Францішак заклікаў
супрацоўнікаў СМІ да спрыяння культуры сустрэчы, бо канфлікты вядуць у нікуды.