13 снежня 2014 г.
раніцай Святы Айцец Францішак прыняў з афіцыйным візітам старшыню Савета Міністраў
Італьянскай Рэспублікі Матэа Рэнцы. Пасля папскай аўдыенцыі італьянскі палітык сустрэўся
з кардыналам Дзяржсакратаром Пьетра Пааралінам. Перамовы прайшлі ў сардэчнай і сяброўскай
атмасферы, паведаміла Зала Друку Апостальскай Сталіцы. Увага была засяроджана, сярод
іншага, на бягучай сітуацыі ў Італіі, адзначанай пастаяннымі эканамічнымі цяжкасцямі
і сацыяльнымі праблемамі, з негатыўнымі наступствамі, асабліва ў кантэксце занятасці
моладзі. Была падкрэслена важнасць адукацыі для будучыні новых пакаленняў.
Удзельнікі
сустрэч разглядзелі таксама некаторыя пытанні міжнароднай палітыкі. Падкрэслівалася
сур’ёзная заклапочанасць у сувязі з пагаршэннем сітуацыі на Блізкім Усходзе.
Падчас
сённяшніх ватыканскіх спатканняў была пацверджана важнасць пытанняў, узнятых Святым
Айцом падчас яго нядаўняй прамовы ў Еўрапейскім парламенце ў Страсбургу, што асабліва
важна ў кантэксце італьянскага старшынства ў Еўрапейскім Саюзе. Тэмы, на якіх сканцэнтраваў
увагу Пантыфік, маюць важнае значэнне для гарманічнага развіцця еўрапейскіх народаў.
Былі пацверджаны абавязацельствы бакоў працягваць узаемнае супрацоўніцтва
для вырашэння некаторых праблем двухбаковага характару.