Papa u ofroi dje darkën të varfërve, në kishën e shën Anës
Mbrëmë, mëse 100 të varfër u mblodhën në sallën e kishës së shën Anës në Vatikan për
një darkë, ofruar nga Papa Françesku. Ati i Shenjtë përfaqësohej në tryezë nga ipeshkvi
polak, imzot Konrad Krajevski, Lëmoshtar Papnor. Qe ai, që u solli pjesëmarrësve bekimin
papnor, duke u dhënë të gjithëve një kartolinë me urime për Krishtlindjen. Kostoja
e darkës u mbulua nga bamirësit e famullisë së Vatikanit. Më 19 dhjetor, në orën 9.00,
gjithnjë në kishën e shën Anës, do të kremtohet një meshë për Krishtlindje, në fund
të së cilës do të shpërndahen pako për të varfërit, që janë me kombësi e fe të ndryshme.