Ֆրանչիսկոս Քահանայապետին նուէրը Լատերանեան Պազիլիքային։

(Ռ.Վ 8 դեկտեմբեր 2014) Ֆրանչիսկոս Սրբազան Քահանայապետը Լատերանեան Պազիլիքային։Փայտէ արձան մը նուիրեց, Իտալիոյ Ումպրեա-Մարքէ շրջանի դպրոցին ԺԳ դարու ստեղծագործութիւն։
Քահանայապետին նուէրը Հռոմի Աթոռանիստ եկեղեցի ժամանեց 8 Դեկտեմբերին։
Երանելի Պօղոս Զ Քահանայապետը 1978-ին Միլանոյի հնավաճառէն գնել տուած էր 30 արձաններ ու զետեղել տուած էր Վատիկանի թանգարանը։
8 Դեկտեմբեր 2014` տօն Անարատ Յղութեան Աստուածամօր, ըստ լատինաց, ֆրանչիսկոս Քահանայապետի կամքով Տիրամօր փայտէ այս արձանը տեղափոխուեցաւ Լատերանոյի Ս. Յովհաննէս Կարապետի Աթոռանիստ Եկեղեցի ու հանդիսաւոր թափօրով զետեղուեցաւ աւագ խորանին աջ կողմը։
Ֆրանչիսկոս Քահանայապետը, որպէս Հռոմի թեմի եպիսկոպոս, ուզած է վերոյիշեալ Տիրամօր արձանը նուէր ընել իր թեմին առաջնորդանիստ եկեղեցւոյն։ Յայտնենք որ Տիրամօր փայտէ արձանին բարձրութիւնն է 1 մեթր 25 սանդիմեթր։ Տիրամայրը գահի վրայ բազմած իր ձախ ձեռքով բռնած է ծունկի վրայ նստած Յիսուսը , մինչ իր աջ ձեռքով կը թուի հրաւիրել զինք դիտողը, Մանուկ Յիսուսին մօտենալու, որ իր կարգին ձեռնաբաց կը հիւրընկալէ։