Прадстаўнік Святога Пасаду ў АБСЕ: ваенна-палітычныя метады ва Украіне аказаліся неэфектыўнымі
“Ваенна-палітычны
інструментарый, які знаходзіцца ў распараджэнні АБСЕ для спынення канфліктаў, ва Украіне
аказаўся неэфектыўным, паколькі існуе адсутнасць палітычнай волі, каб выкарыстаць
яго ў духу даверу”, - сказаў падчас пасяджэння Савета міністраў замежных спраў Арганізацыі,
арцыбіскуп Дамінік Мамбэрці. Зыходзячы кіраўнік ватыканскай дыпламатыі запэўніў, што
як Папа, так і Каталіцкі Касцёл блізкія да ўсіх, хто пакутуе ў выніку канфлікту.
У
гэтым кантэксце, прадстаўнік Святога Пасаду ўзгадаў пра чалавечыя ахвяры, парушэнне
асноўных правоў чалавека і велізарныя матэрыяльныя страты. Ён падкрэсліў, што лепшым
рашэннем застаюцца дыялог і перамовы. Спасылаючыся на круглыя гадавіны першай і другой
сусветных войнаў, якія адзначаюцца ў гэтым годзе, арцыбіскуп Мамбэрці нагадаў, што
маральным імператывам з’яўляецца пазбяганне ўсімі магчымымі сродкамі жорсткасці і
падзелаў з мінулага, што вельмі часта падсілкоўваецца бессэнсоўнай прапагандай і рэалізацыяй
асабістых інтарэсаў.
На сустрэчы міністраў замежных спраў краін АБСЕ ватыканскі
дыпламат, акрамя таго, узгадаў аб пераследзе хрысціян у свеце, у тым ліку ў рэгіёнах,
якія мяжуюць з краінамі, што ўваходзяць у Арганізацыю. Ён падкрэсліў, што як дзяржавы-члены,
так і іх партнёры павінны выказацца супраць гэтай несправядлівасці і абуральных парушэнняў
правоў чалавека па прычыне веры. У гэтым кантэксце, арцыбіскуп Мамбэрці нагадаў заклік
папа Францішка да новай салідарнасці мусульман і хрысціян у барацьбе супраць тэрарызму.