ֆրանչիսկոս Քահանայապետը պիտի վառէ աշխարհի բարձրագոյն արուեստական տօնածառին լոյսերը։

Տօնածառը ունի 750 մեթր բարձրութիւն եւ 450 մեթր լայնք։

(Ռ.Վ. 5 դեկտեմբեր 2014) Յառաջիկայ` Կիրակի 7 դեկտեմբերին, ֆրանչիսկոս Սրբազան Քահանայապետը պիտի վառէ աշխարհի արուեստական մեծագոյն տօնածառին լուսաժապաւէնը։ Տօնածառը զետեղուած է Իտալիոյ` Կուպիոյ քաղաքի լեռան տարածքին, որուն լուսաւորումը պիտի կատարուի ''թապլեթի'' միջոցաւ, երբ Նորին Սրբութիւնը ուղիղ եթերով պիտի կապուի Կուպիոյ քաղաքի` ''քառասուն նահատակաց'' հրապարակի վրայ համախմբուած բնակչութեան հետ` Կիրակի 7 դեկտեմբերի երեկոյեան ժամը 18,20-ին։
Կուպիոյի այս տօնածառի ծրագիրը յղացուած է 1981-ին, ու թէեւ արուեստական` 1991ին շահած է ''Կինէս'' առաջնորդութեան մրցանակը։