Հայաստանի մէջ ներքին զբօսաշրջութիւնը աճած է աւելի քան 33 տոկոսով
ԵՐԵՒԱՆ, «Արմէնփրէս».– Հայաստանի պանդոկներուն եւ այլ կացարաններուն մէջ տեղաբաշխուած
ներքին զբօսաշրջիկներուն թիւը Յունուար-Սեպտեմբեր 2014ին կազմած է 785 հազար 180 մարդ,
ինչ որ 2013ի նոյն ժամանակաշրջանին հետ բաղդատելով 33.7 տոկոսով աւելի է: Հայաստանի
ազգային վիճակագրական ծառայութեան կողմէ փոխանցուած տուեալներով՝ զբօսաշրջիկներուն 19.5
տոկոսը կամ 153 հազար 86 մարդ մեկնած է գործնական նպատակներով, 64.7 տոկոսը կամ 507 հազար
698 մարդ՝ հանգիստի եւ ժամանցի նպատակով, 10.6 տոկոսը կամ 83 հազար 514 մարդ՝ բուժման
նպատակով: Գործնական նպատակով մեկնողներուն թիւը աւելցած է 15.8 տոկոսով, հանգիստի
եւ ժամանցի նպատակով մեկնողներունը՝ 44.1 տոկոսով, բուժման նպատակով մեկնողներունը՝ 53.1
տոկոսով: