Францішак да хрысціянскіх і мусульманскіх лідэраў: шлях міру – дыялог
3 снежня 2014 г. перад
агульнай аўдыенцыяй папа Францішак сустрэўся з удзельнікамі Трэцяга саміту хрысціянскіх
і мусульманскіх лідэраў. Няма міру без дыялогу – гэта думка ясна прагучала ў кароткай
прамове Пантыфіка. “Я вітаю вас і дзякую вам за тое, што вы прыйшлі на гэту сустрэчу.
Мне вельмі прыемна. Гэта дапамагае зрабіць мацнейшымі нашы зносіны. Я дзякую вам за
вашу працу, за тое, што вы робіце, каб лепш разумець адно аднаго, і, перш за ўсё,
для міру. Гэты шлях міру – дыялог”, - сказаў Папа.
У заключным пасяджэнні хрысціянска-мусульманскага
саміту прынялі ўдзел, у прыватнасці, старшыня Папскай рады па міжрэлігійным дыялогу,
кардынал Жан-Луі Таран, прынц Іарданіі Хасан бен Талал, і дырэктар ісламскіх даследаванняў
пры Акадэміі навук у Іране аятала Сайед Мустафа Дамад.