Заява Папы аб экуменічных
адносінах з Маскоўскім Патрыярхатам знайшла непасрэдны водгук у Расіі. Мясцовыя СМІ
цытуюць словы Францішка аб жаданні сустрэцца з Патрыярхам Кірылам, сказаныя 30 лістапада
2014 г. на борце самалёта падчас вяртання з Турцыі. Пантыфік хоча сустрэцца з Патрыярхам.
Тое ж жаданне было выказана і кіраўніком Рускай Праваслаўнай Царквы, прызнаўся сам
Францішак. Рэлігійныя СМІ ў Расіі падкрэсліваюць словы Папы аб прагрэсе ў працэсе
збліжэння, які патрабуе яшчэ шмат намаганняў, каб пераадолець перашкоды ва ўзаемных
адносінах. Адной з іх з’яўляецца цяперашняя напружаная сітуацыя ва Украіне, у тым
ліку негатыўная ацэнка з боку Маскоўскага Патрыярхата грэка-католікаў. Лаканічна,
але у стыноўчым ключы рэлігійныя расійскія СМІ паведамілі пра візіт Францішка ў Турцыю
і сустрэчу з Патрыярхам Канстантынопальскім Барталамеем І.
Трэба нагадаць,
што ў мінулую нядзелю Папа сказаў, што скептычна адносіцца да тэалагічнага дыялогу
і лічыць, што адзінства – гэта шлях, якім трэба ісці супольна: маліцца і працаваць
разам, здзяйсняць справы міласэрнасці. Тут важны таксама “экуменізм крыві”. Святы
Айцец адзначыў, што ў любы момант гатовы сустрэцца з Патрыярхам Кірылам. “Мы абодва
жадаем сустрэцца і хочам крочыць наперад”, - сказаў Пантыфік.