(Ռ.Վ. 1 դեկտեմբեր 2014) Քահանայապետական աղօթքի դիտաւորութիւնները որ
ընդհանրապէս ստորաբաժանուած են ''ընդհանրական եւ միսիոներական'' աղօթքի դիտաւորութիւններու,
2014-էն սկսեալ ստանձնեցին ''տիեզերական'' եւ ''աւետարանումի'' խորագիր կրող աղօթքի դիտաւորութիւններ,
շեշտը դնելու համար աղօթքի կեդրոնականութեան վրայ եւ վերարծարծելու 2012-ի նոր աւետարանութեան
մասին տեղի ունեցած սիւնհոդոսի կարեւորութիւնը։ 2014-ի Դեկտեմբեր ամսուայ որպէս աղօթքի
դիտաւորութիւն ընտրուած է. ''Տիեզերական'' աղօթքի դիտաւորութիւն` ''Որպէսզի Փրկչին
ծնունդը խաղաղութիւն եւ յոյս շնորհէ բոլոր բարի կամք ունեցող մարդոց'': Իսկ որպէս
''Աւետարանութեան'' դիտաւորութիւն` ''Որպէսզի ծնողները ըլլան ճշմարիտ աւետարանիչներ,
իրենց զաւակներուն փոխանցելով հաւատքի թանկարժէք պարգեւը'' ։