Սրբուհի Սոֆիա տաճարը։

(Ռ.Վ. 29 նոյեմբեր 2014) Իսթանպուլի` Սրբուհի Սոֆիա տաճարը նուիրուած է ''Աստուածային Իմաստութեան''։
Կառուցուած է 360 թուականին Կոստանդիանոս կայսրի օրով։ 404 եւ 532 թուականներուն տաճարը երկու անգամ՝ կը հրկիզուի։ Յուստինիանոս կայսրի հրամանով՝ 23 փետրուար 532 սկսան վերանորոգութեան աշխատանքները։ 10 հազար մարդուժէ բաղկացած խումբ մը՝ վեց տարի շարունակ զբաղեցաւ վերակառուցողական աշխատանքներով, օգտագործելով երկրի զանազան վայրերէն հաւաքած եւ թանկագին լաւագոյն քարեր։
537-ին, տաճարի բացման արարողութեան առթիւ, Յուստինիանոս կայսր իր արտասանած խօսքին մէջ բացագանչեց հետեւեալ խօսքը ՝՝Ով Սողոմոն քեզ գերազանցեցի՝՝։
1204ին, Լատիններու տիրապետութեան շրջանին, տաճարը աղքատ վիճակի վերածուեցաւ ու մերկացաւ իր արժէքաւոր քարերէն։
1453-ին, Մահմետականներու օրով, Մուհամմէտ Բ-ի հրամանով տաճարը վերածուեցաւ մզկիթի։ Իսկ՝1935-ին, Աթաթուրքի կամքով մզկիթը ստացաւ թանգարանի հանգամանք։
Սրբազան Քահանայապետերու շարքին՝ նախքան Ֆրանչիկսոս Քահանայապեը Սրբուհի Սոֆիա տաճարի այցելուներէն եղած են՝ Պօղոս Զ , Յովհաննէս Պօղոս Բ, եւ Պենետիկտոս քահանայապետերը ։