29 лістапада 2014
г., у рамках свайго апостальскага падарожжа ў Турцыю, папа Францішак прыбыў у Стамбул.
Пасля дня праведзенага ў Анкары і прысвечанага, галоўным чынам сустрэчам з палітычнымі
элітамі і мусульманскімі лідэрамі, Святы Айцец застанецца ў другім па значнасці горадзе
краіны да канца свайго візіту. Гэта частка пілігрымкі Пантыфіка будзе насіць перажавана
душпастырскі і экуменічны характар. У першай палове дня Францішак здзейсніў візіт
у старажытнейшы сабор св. Сафіі, які з 1935 г. з’яўляецца музеем, а затым наведаў
мячэць Султанахмет, вядомую таксама як “Блакітная мяцэць”. Тут, паводле мусульманскай
традыцыі Францішак зняў абутак. У некалі самай галоўнай святыні Атаманскай імперыі
ён спыніўся на хвіліну маўклівай адарацыі разам з Вялікім муфтыем Стамбула Рахмі Яранам.
Пасля гэтага Пантыфік накіраваўся ў Папскае дыпламатычнае прадстаўніцтва, дзе сустрэўся
з прадстаўнікамі мясцовых каталіцкіх супольнасцяў розных абрадаў.