Папа Францішак пачаў
свой трохдзённы апостальскі візіт у Турцыю. Самалёт з Пантыфікам на борце прызямліўся
ў Міжнародным аэрапорце “Эсэнбога” ў Анкары каля 13.00 па мясцовым часе, 28 лістапада
2014 г. Святога Айца сустракалі прадстаўнікі ўраду і сталічнай адміністрацыі. Пасля
кароткай цырымоніі прывітання ён накіраваўся ў першы пункт свайго візіту – маўзалей
першага Прэзідэнта Турэцкай Рэспублікі Мустафы Кемаля Атацюрка. Наведванне гэтага
месца з’яўляецца традыцыйным для высокіх гасцей краіны. Каля магілы турэцкага палітыка,
рэфарматара і дзяржаўнага дзеяча Пантыфік усклаў квяточны вянок і на момант спыніўся
ў маўчанні. Пасля гэтага ён зрабіў запіс ў кнізе ганаровых гасцей. Францішак пажадаў,
каб Турцыя, якая з’яўляецца “натуральным мастом паміж двума кантынентамі была не толькі
скрыжаваннем шляхоў, але таксама месцам сустрэчы, дыялогу і спакойнага суіснавання
паміж людзьмі добрай волі кожнай культуры, народнасці і рэлігіі”.