Папа сустрэўся 24
лістапада 2014 г. з афіцыйнай дэлегацыяй вернікаў Царквы сірамалабарскага абраду з
Індыі, якая прыбыла ў Рым на канаізацыю ксяндза Кур’якаса Эліяса Кавара і сястры Еўфрасіі
Элувацінгал. Карыстаючыся магчымасцю, Францішак падзякаваў Касцёлу ў Індыі, і асабліва
ў штаце Керала, за апостальскі запал і сведчанне веры. “Керала з’яўляецца зямлёй вельмі
ўрадлівай для святарскіх і законных пакліканняў”, - адзначыў ён і пажадаў, каб для
індыйскіх вернікаў дні, праведзеныя ў Вечным горадзе, сталі сапраўдным святам і часам
інтэнсіўнага духоўнага жыцця.
Новыя святыя “нагадваюць кожнаму з нас, што Божая
любоў з’яўляецца крыніцай, падтрымкай і мэтай усёй святасці, у той час як любоў да
бліжняга з’яўляецца яркай праявай любові да Бога”, - сказаў Папа. Ён пажадаў, каб
яны давалі сучасным індыйскім вернікам сапраўдныя “урокі евангельскай жыцця”, і тыя
ішлі за Езусам праз любоў да Эўхарыстыі і Касцёла.