Ֆրանչիսկոս Քահանայապետի կիրակի 16 նոյեմբերին գործունէութիւնը։

(Ռ.Վ. 17 նոյեմբեր 2014) Կիրակի 16 նոյեմբերին, Մարեմեան աղօթքի աւարտին, Ֆրանչիսկոս Պապը, ինքնաշարժով մեկնեցաւ Քասթէլկանտոլֆոյի քահանայապետական ամարանոցը ուր բացումը կատարեց Արժէնթինացի արուեստագէտ` Ալէսսանտօ Մարմոյի կողմէ քանդակուած երկու երկաթեայ արձաններուն։
Նախքան արձաններու բացման արարողութիւնը Ֆրանչիսկոս Պապը ճաշած է ամարանոցի ճաշարանի մէջ, ընկերակցութեամբ Վատիկանի Պետութեան կառավարիչ` Կարդինալ Պէրթելլոյի, Քահանայապետական ամարանոցներու ընդհանուր տնօրէնի քարտուղար՝ գերապայծառ` Վէրկէզ Ալծակի եւ արուեստագէտ Մամոյի ընտանեկան պարագաներուն հետ։
Յաւարտ ճաշին, Ֆրանչիսկոս Պապը ուղղուեցաւ Քասթէլկանտոլֆոյի ուղղաթիռի կեդրոնը ուր ՝ կատարեց երկաթեայ արձաններու բացման արարողութիւնն ու օրհնութիւնը։
Արարողութեան աւարտին, Ֆրանչիսկոս Պապը վատիկան վերադարձի ճամբուն վրայ այցելութիւն կատարեց Պիոս ԺԱ բուժարանին մէջ գտնուող Կարդինալ Մարիա Մէժային որ ժամանակէ ի վեր հոն կը գտնուի բուժուելու համար։
Սրբազան Հայր ապա վատիկան ժամանած պահուն, ուղղուեցաւ Գիտութեան Ակադեմիայի ''Պիոս Դ-րդ'' անուան կեդրոնատեղի ուր՝ տեղի կ՝ունենար մարդկային մարմնավաճառութեան դէմ պայքարի՝ երիտասարդներու միջազգային համագումարը։ Ֆրանչիսկոս Պապը այս առթիւ անոնց հետ սիրալիր խօսակցութիւն մը ունեցաւ ու ապա վերադարձաւ Տոմուս Սանթա Մարթա։