ՄԱԿ-ը կը դատապարտէ իսլամական պետութեան ոճրագործութիւնները եւ պատասխանատու կը նկատէ
այդ շարժումի բոլոր ղեկավարները։
(Ռ.Վ. 16 նոյեմբեր 2014) Սուրիոյ մէջ հաստատուած իսլամական պետութիւնը
ՄԱԿ-ի գնահատումով պատասխանատու է բոլոր այն ոճրագործութիւններուն որ տեղի ունեցան Սուրիոյ
հողին վրայ. ՄԱԿ-ը այս արարքները նկատած է մարդկութեան դէմ ոճրագործութիւն։ Անոր ղեկավարները
պատասխանատու են այդ ոճրագործութիւններուն կը հաստատէ ՄԱԿ-ի մարդու իրաւունքներու պաշտպան
յանձնախումբը։ ՄԱԿ-ի վաւերաթուղթէն ի յայտ կու գան Իսլամ պետութեան գործադրած շարք մը
ոճրագործութիւնները, սկսեալ զանգուածային սպանդներէն` ցեղային ու կրօնական խումբերու
դէմ, ինչպէս նաեւ գլխատումներ եւ սեռային բռնաբարութիւններ։ ՄԱԿ-ի յանձնախումբը կը պահանջէ
իսլամական պետութեան ղեկավարներու դատապարտումը։