Кардынал Дзяржсакратар сустрэўся з палітычнымі лідэрамі Чэхіі
Кардынал Дзяржсакратар
Пьетра Паралін сустрэўся з палітычным кіраўніцтвам Чэшскай Рэспублікі. Высокі ватыканскі
іерарх знаходзіцца ў Празе па запрашэнні мясцовага арцыбіскупа кардынала Дамініка
Дукі з нагоды святкавання 25-годдзя кананізацыі св. Агнешкі Чэшскай. Сёлета краіна
адзначае таксама юбілей Аксамітнай рэвалюцыяй лістапада-снежня 1989 г. – шэрагу падзей,
якія адносна мірна прывялі да падзення камуністычнага рэжыму і ўсталявання дэмакратыі.
Падчас сустрэчы з Прэзідэнтам Чэхіі Мілашам Земанам, кардынал Паралін выказаў спадзяванне,
што папа Францішак “у бліжэйшай будучыні зможа наведаць гэту цудоўную зямлю, багатую
духоўнай і культурнай спадчынай”, як гэта рабілі Ян Павел ІІ і Бэнэдыкт XVI. Пурпурат
запэўніў чэшскага лідэра ў тым, што пры нагодзе Святы Айцец з радасцю прыме яго ў
Ватыкане.
Падчас прыватнай сустэчы са старшынямі чэшскага парламента, кардынал
Паралін падкрэсліў, што Касцёл падтрымліваў намаганні чэхаў па ўмацаванні свабоды
і дэмакратыі. Пурпурат запэўніў, што каталіцкая супольнасць будзе працягваць дапамагаць
краіне адзкаваць на сучасныя выклікі і працаваць на карысць усяго грамадства, асабліва
яго самых патрабуючых кампанентаў.
Сустракаючыся з членамі ўраду і дыпламатычнага
корпуса ў старажытнейшым Страгаўскім манастыры, кардынал Паралін нагадаў пра пакуты
католікаў у Чэхіі і пераслед Касцёла ў гады таталітарызму. Ён адзначыў уклад былога
арцыбіскупа Пражскага Францішка Тамашэка ў перамогу над камуністычнай сістэмай і ў
мірнае развіццё Аксамітнай рэвалюцыі. Пурпурат выказаў спадзяванне на ўмацаванне супрацоўніцтва
і сяброўства паміж Чэшскай Рэспублікай і Апостальскай Сталіцай дзеля спрыяння супраўднаму
разуменню годнасці чалавечай асобы і міру паміж народамі.