Апублікавана афіцыйная праграма візіту Святога Айца ў Шры-Ланку і на Філіпіны
14 лістапада 2014
г. была апублікавана афіцыйная праграма візіту папы Францішка ў Шры-Ланку і на Філіпіны.
Падарожжа распачнецца 12 студзеня 2015 г. вечарам вылетам з Рыма. У аэрапорце самага
буйнога горада Шры-Ланкі Каломба самалёт з Пантыфікам на борце прызямліцца ўжо 13
студзеня раніцай. У гэты дзень адбудуцца сустрэчы Святога Айца з мясцовым епіскапатам
і прадстаўнікамі іншых рэлігій. Таксама яго прыме ў сваёй рэзідэнцыі кіраўнік краіны.
На наступны дзень Папа ўзначаліць кананізацыйную св. Імшу кс. Джозэфа Ваза, пасля
якой адправіцца ў марыйны санктуарый у Мадху. 15 студзеня Пантыфік накіруецца ў капліку
Маці Божай з Ланкі. І гэта будзе апошні пункт яго падарожжа ў азіяцкую краіну. У той
жа дзень ён вылеціць на Філіпіны, дзе яго будзе чакаць афіцыйны прыём. Сам візіт практычна
распачнецца на наступны дзень, 16 студзеня, наведаннем Прэзідэнта краіны і сустрэчай
з кіраўнікамі дзяржавы і дыпкорпусам. У гэты ж дзень Папа адправіць св. Імшу з удзелам
мясцовых біскупаў, святароў і законнікаў, а таксама сустрэнецца з сем’ямі.
17
студзеня Францішак узначаліць Эўхарыстыю на лётным полі ў Таклабан і паабедае з некаторымі
ахвярамі тайфуну. Вечарам ён правядзе сустрэчу з мясцовым духавенствам і семінарыстамі.
18 студзеня пройдуць спатканні Святого Айца з рэлігійнымі лідэрамі і моладдзю. Вечарам
Пантыфік узначаліць св. Імшу ў Маніле. Гэта будзе апошні пункт яго падарожжа на Філіпіны,
19 студзеня Францішак адправіцца назад у Рым.