Святы Айцец: Валадарства Божае пашыраецца без шоў – у цішыні штодзённага крыжа
Валадарства Божае
штодзённа пашыраецца дзякуючы тым, хто дае сведчанне без вялікага “шуму”; тым, хто
моліцца і з верай выконвае свае абавязкі ў сям’і, на працы, у супольнасці, да якой
належыць, сказаў папа Францішак падчас ранішняй Эўхарыстыі ў Ватыкане 13 лістапада
2014 г. На думку Святога Айца, Валадарства Божае можна ўбачыць у дамах, дзе, ледзьве
дацягваючы да заробку, людзі не перастаюць маліцца і клапаціцца пра ўласных дзяцей,
бабуль і дзядуль. Пакуты, маленькія штодзённыя жыццёвыя крыжы, звязаныя з працай,
клопатам пра сям’ю і іншыя справы, з’яўляюцца часткай Божага Валадарства. Яно – ціхае,
узрастае ўнутры, дзякуючы Святому Духу і адкрытасці вернікаў, - сказаў Папа. Францішак
перакананы, што “Валадарства Божае – гэта не шоў”, бо там, дзе ёсць шоў, там “карыкатура”
Божага Валадаства. Яго сіла аб’явіцца напрыканцы часоў, але зараз Валадаства Пана
ціха існуе побач – на падабенства зерня, якое ўзрастае ў зямлі.
Пантыфік заклікаў
вернікаў клапаціцца пра Валадарства Божае ўнутры сябе праз малітву, адарацыю, ціхае
і міласэрнае служэнне. “Валадарства Божае – сціплае, як зерне: сціплае, але становіцца
вельмі вялікім дзякуючы сіле Святога Духа. Трэба толькі дапамагаць яму ўзрастаць у
нас, без гарарыстасці: дазволіць, каб Святы Дух прыйшоў, змяніў душу і вёў нас наперад
у цішыні, супакоі, маўчанні, блізкасці да Бога, да іншых, адарацыі Бога і без шоў”,
- звярнуў увагу папа Францішак.