“З вялікім непакоем
я сачу за драматычнай сітуацыяй хрысціян, якіх у розных частках свету пераследуюць
і забіваюць за іх веру”, - прызнаўся Святы Айцец 12 лістапада 2014 г. на завяршэнне
агульнай аўдыенцыі на плошчы св. Пятра. Ён звярнуўся да палітыкаў, з заклікам абараніць
пакутуючых вызнаўцаў Хрыста, і да ўсіх людзей добрай волі, мабілізаваць сумленне на
іх карысць. “Я адчуваю патрэбу выказаць сваю глыбокую духоўную салідарнасць з хрысціянскімі
супольнасцямі, якія пацярпелі ад жорсткага абсурднага насілля, якое не заўсёды навідавоку.
У той жа час я заклікаю пастыраў і ўсіх вернікаў, каб яны былі адважныя і цвёрда трымаліся
надзеі”, - сказаў Святы Айцец. Ён нагадаў тым, “якія нясуць палітычную адказнасць
на мясцовым і міжнародным узроўні”, што хрысціяне “маюць права ў сваіх краінах атрымліваць
радасць ад бяспекі і мірнага жыцця, свабодна вызнаючы сваю веру”. Папа Францішак запрасіў
усіх вернікаў, сабраных на ватыканскай плошчы памаліцца “Ойча наш” у інтэнцыі ўсіх
хрысціян, якіх пераследуюць за веру.