Gjuha arbëreshe në një konferencë në Romë. Flet ambasadori i Shqipërisë në Itali
Të premten, më 14 nëntor, Ambasada e Shqipërisë në Itali, në bashkëpunim me qendrën
e studimit “Cesial” të Universitetit “La Sapienza”, organizon në Romë një konferencë
me titull “Udhëtim arbëresh, 15 vjet pas Ligjit 482/1999. Bashkësia e arbëreshëve
në Itali: identiteti gjuhësor-kulturor dhe legjislacioni”. Gjatë këtij takimi, që
do të zhvillohet në Rrethin e Aeronautikës Ushtarake, do të flitet mbi ligjin, që
u jep të drejtën pakicave gjuhësore në Itali të mësojnë gjuhën e tyre në shkollë,
e për zbatimin e tij në praktikë. Për të na folur më gjerësisht për këtë nismë ftuam
në mikrofonin tonë ambasadorin e Shqipërisë në Itali, z. Neritan Ceka, i cili gjatë
viteve të fundit ka udhëtuar nëpër shumë komuna e fshatra arbëreshe. Në konferencë
do të flasë për përshtypjet e tij dhe për disa ide, që mund ta ndihmojnë shtetin shqiptar
t’u qëndrojë më afër atyre, që e konsiderojnë veten “gjaku i shprishtë”, pra gjaku
shqiptar i përhapur nëpër Itali. Ta dëgjojmë z. Neritan Ceka…