Папа да італьянскага епіскапату: Касцёлу не патрэбныя святары-клерыкалы і святары-чыноўнікі
Ва ўдзячнай памяці
кожнага з нас запісаны імёны і абліччы тых шматлікіх святароў, якія сфармавалі нас
і заразілі сваім прыкладам. Сваё жыццё яны правялі сярод людзей у парафіі, выхоўваючы
дзяцей і суправаджаючы сем’і, наведваючы хворых і клапоцячыся аб бедных, разумеючы,
што “адмова ад іншых, каб не пабрудзіцца, з’яўляецца самым вялікім брудам”. Гэтыя
словы напісаў Святы Айцец у сваім пасланні да італьянскіх біскупаў, якія 10 лістапада
2014 г. вечарам пачалі пасяджэнне епіскапату.
Францішак нагадаў, што святыя
святары – гэта грэшнікі, якім было даравана, і праз гэта яны самі сталі сапраўднымі
інструментамі прабачэння. Яны прамаўляюць сваёй цярплівасцю і настойлівасцю. Яны не
сталі “духоўнымі турыстамі”, вечна нявызначанымі і незадаволенымі. Пантыфік падкрэсліў,
што такія святыя святары не бяруцца з ніадкуль. Яны былі “выкаваны” праз фарміраванне,
якое не заканчваецца з завяршэннем семінарыі. Святар назаўжды застаецца вучнем Хрыста,
таму павінен быць падобным на Яго і спазнаваць святарскую тоеснасць, якая даецца яму
зверху.
У сваім звароце да італьянскіх біскупаў, сабраных у Асізі, Святы Айцец
падкрэсліў, што Касцёлу не патрэбныя святары-клерыкалы або людзі, чые паводзіны аддаляюць
іншых ад Бога, ці святары-чыноўнікі, якія шукаюць свайго суцяшэнне здалёк ад Пана.
Пантыфік нагадаў іерархам, што адным з іх галоўных абавязкаў з’яўляецца ўмацаванне
і падтрымка святароў, праз якіх мацярынства Касцёла дасягае людзей.