“Մանկական եւրատեսիլ- 2014” –ին Հայաստանի ներկայացուցիչը կ՛երգէ 12-րդ թիւին տակ
Հայաստանը “Մանկական եւրատեսիլ- 2014”-ին ներկայացող փոքրիկ երգչուհի Պեթթին հեղինակաւոր
մրցոյթին հանդէս պիտի գայ 12-րդ թիւով: Այս մասին պարզ դարձած է Նոյեմբեր 9-ին: Առաջին
թիւով հանդէս կու գայ Պելառուսիան, իսկ վերջինը` 16-րդը Նիտեռլանտներու ներկայացուցիչը: Պեթթին
հանդէս կու գայ “Արեւի մարդիկ” երգով: “Մանկական եւրատեսիլ- 2014”-ը այս տարի տեղի կ՛ունենայ
Նոյեմբեր 15-ին Մալթայի մէջ: “Մանկուց իմ երազանքն է եղել մասնակցել այս մրցոյթին:
Երազում եմ յաղթել, որպէսզի յաջորդ տարուայ «Մանկական եւրատեսիլ”-ն անցնի Հայաստանում:
Խոստանում եմ, որ անպայման լաւ ելոյթ եմ ունենալու, ուրախացնելու եմ բոլորին, անպայման
լաւ հորիզոնական եմ գրաւելու, եւ մենք յաղթելու ենք: Մրցոյթի բոլոր մասնակիցները շատ
լաւ, ուրախ երգեր ունեն”,- Ըստ “Արմէնփրես”-ի` Մալթա մեկնելէն առաջ լրագրողներու հետ
զրոյցի ընթացքին ըսած էր Պեթթին: Պեթթիին ”Արեւի մարդիկ” («People of the sun”) երգի
պատրաստման ընթացքին օգնած են երգահան Մանէ Յակոբեանը, խօսքերուն հեղինակ Աւետ Բարսեղեանը
եւ գործիքաւորող Մարտին Միրզոյեանը: “Մանկական եւրատեսիլ- 2014” երգի միջազգային հեղինակաւոր
մրցոյթի մասնակից պետութիւնները 16-ն են` Հայաստան, Վրաստան, Պելառուս, Պուլկարիա, Կիպրոս,
Իտալիա, Մալթա, Մոնտենեկրօ, Ռուսիա, Սերպիա, Շուէտ, Սլովենիա, Նիտերլանդներ, Խորուաթիա,
Սան Մարինօ եւ Ուքրանիա: