Папа абмеркаваў наступствы эпідэміі Эболы з Прэзідэнтам Ганы
Гуманітарны крызіс
у Заходняй Афрыцы, выкліканы эпідэміяй Эболы, і іншыя міжнародныя праблемы, абмеркаваў
папа Францішак з Прэзідэнтам Ганы Джонам Драмані Махамой, якога прыняў на аўдыенцыі
ў Ватыкане 10 лістапада 2014 г. Афрыканскі палітык сустрэўся таксама з кардыналам
Дзяржсакратаром Пьетра Паралінам і арцыбіскупам Дамінікам Мамбэрці, які яшчэ працягвае
выконваць абавязкі Сакратара па адносінах з дзяржавамі. На днях апошні быў прызначаны
прэфектам Найвышэйшага Трыбуналу Апостальскай Сігнатуры.
Падчас перамоваў,
якія прайшлі ў сардэчнай атмасферы, гаворка ішла пра добрыя адносіны паміж Апостальскай
Сталіцай і Ганай, адзначаўся ўклад Касцёла ў сацыяльную, адукацыйную, медыцынскую
сферы жыцця краіны. Падкрэслівалася важнасць спрыяння дыялогу паміж рознымі кампанентамі
грамадства і неабходнасць клопату аб інстытуце сям’і.