Папа ў юбілей падзення Берлінскай сцяны: патрэбны масты, а не муры
“Дзе існуе сцяна –
там існуе закрытасць сэрца. Патрэбны масты, а не муры”, - адзначыў папа Францішак
9 лістапада 2014 г., узгадваючы пра 25-годдзе падзення Берлінскай сцяны, сімвалу “ідэалагічнага
раздзялення Еўропы і ўсяго свету”. “Падзенне адбылося раптоўна, але стала магчымым
дзякуючы вялікім намаганням шматлікіх асобаў, якія за гэта змагаліся, маліліся і пакутавалі,
аж да ахвяравання жыцця. Сярод іх, ролю галоўнай дзеючай асобы меў св. Ян Павел ІІ”,
- сказаў папа Францішак звяртаючыся да вернікаў сабраных на нядзельную малітву “Анёл
Панскі”, на плошчы св. Пятра. Францішак заклікаў маліцца, каб з дапамогай Божай і
ў супрацоўніцтве паміж усімі людзьмі добрай волі, усё больш пашыралася культура сустрэчы,
здольная разбураць усе сцены, якія яшчэ раздзяляюць свет, і каб больш ніколі не адбывалася
пераследу і забойстваў людзей з прычыны іх веры ці рэлігійнай прыналежнасці.