«Կրօնները յանուն խաղաղութեան եւ համերաշխութեան, հոգեւոր առաջնորդների դերը տարածաշրջանի
խաղաղութեան գործում» խորագրով գիտաժողով ։
Նոյեմբերի 6-ին Մայր Աթոռ Սուրբ Էջմիածնի Միջեկեղեցական յարաբերութիւնների «Գեւորգ Զ
Չորեքչեան» կենտրոնում տեղի ունեցաւ հանդիպում Մայր Աթոռի Միջեկեղեցական յարաբերութիւնների
պատասխանատու, Միջեկեղեցական-աստուածաբանական խորհրդի ատենապետ Գերաշնորհ Տ. Յովակիմ
եպիսկոպոս Մանուկեանի եւ Իրանի Իսլամական Հանրապետութեան դեսպանատան մշակոյթի կենտրոնի
խորհրդական պարոն Մաջիդ Մեշքիի միջեւ: Հանդիպմանը ներկայ էր նաեւ Մայր Աթոռի արտաքին
յարաբերութիւնների եւ արարողակարգի բաժնի տնօրէն, Միջեկեղեցական-աստուածաբանական խորհրդի
անդամ Գերաշնորհ Տ. Նաթան արքեպիսկոպոս Յովհաննիսեանը:Հանդիպման ընթացքում քննարկուեցին Մայր Աթոռ Սուրբ Էջմիածնի Միջեկեղեցական յարաբերութիւնների բաժնի եւ ԻԻՀ Ղոմ քաղաքի կրօնագիտական կենտրոնի միջազգային յարաբերութիւնների վարչութեան համատեղ ջանքերով Մայր Աթոռում 2015 թ. անցկացուելիք «Կրօնները յանուն խաղաղութեան եւ համերաշխութեան, հոգեւոր առաջնորդների դերը տարածաշրջանի խաղաղութեան գործում» խորագրով կոնֆերանսի նախապատրաստական աշխատանքները:
Անդրադարձ եղաւ նաեւ Մերձաւոր Արեւելքում տիրող իրավիճակին: Զրուցակիցները խստօրէն դատապարտեցին կրօնական ծայրայեղութեան որեւէ դրսեւորում` այն համոզմամբ, որ որտեղ կայ հաւատն առ Աստուած, այնտեղ պէտք է լինի սէր եւ համերաշխութիւն:
| All the contents on this site are copyrighted ©. |