Святы Айцец: грамадзянства сапраўдных хрысціян – Неба
Да сённяшняга дня
працягваюць існаваць “хрысціяне-язычнікі”, які “паводзяць сябе як ворагі крыжа Хрыстовага”,
сказаў папа Францішак падчас ранішняй Эўхарыстыі ў Ватыкане 7 лістапада 2014 г. У
сваёй гаміліі Пантыфік заклікаў вернікаў быць уважлівымі перад спакусамі гэтага свету,
які вядуць да падзення. Каментуючы літургічнае чытанне з Паслання да Філіпянаў, Святы
Айцец заўважыў, што як ў евангельскія часы, так і сёння існуюць дзве групы вернікаў.
І першыя і другія называюць сябе хрысціянамі і захоўваюць некаторыя падобныя рысы,
але адныя з іх застаюцца такімі толькі паводле назвы. На самой справе яны жывуць,
хутчэй, па-язычніцку. Францішак заклікаў быць уважлівымі, каб не пераўтварыцца ў такіх
вернікаў: не стаць “пасрэднымі” і “цёплымі”. Такія хрысціяне, на яго думку, з’яўляюцца
сапраўднымі ворагамі крыжа Хрыстовага і будуць “выплюнуты” з вуснаў Пана, паводле
моцных словаў Апакаліпсіса св. Яна.
Францішак адзначыў, што “грамадзянствам”
сапраўдных вернікаў з’яўляецца Неба, у той час як “хрысціян-язычнікаў” – гэты свет,
з усімі яго спакусамі: пыхай, ганарыстасцю, любоўю да грошай. “Пафарбаваныя” хрысціяне
кепска заканчваюць, таму што прывязанасць да скарбаў гэтага свету вядзе да падзення,
папярэдзіў Папа.
Правільным і добрым шляхам, паводле Пантыфіка, з’яўляецца
пошук Бога і любоў да Яго, пакора, сціпласць, служэнне іншым. Святы Айцец заклікаў
вернікаў быць моцнымі ў Пану: не дазваляць сэрцу аслабець і саслізнуць у сапсаванасць.