Папа: адказаць на глабалізацыю абыякавасці глабалізацыяй салідарнасці
7 лістапада 2014 г.
папа Францішак прыняў на аўдыенцыі ў Ватыкане ўдзельнікаў штогадовай экуменічнай сустрэчы
біскупаў-сяброў руху Факаляраў. Сярод іх былі не толькі каталіцкія іерархі, але таксама
праваслаўныя і пратэстанскія. Святы Айцец звярнуў увагу сваіх гасцей на важнасць “яснага
сведчання адзінства паміж хрысціянамі”, а таксама пашаны, павагі і братэрства паміж
сабой. “Гэта братэрства з’яўляецца ззяючым і прывабліваючым знакам нашай веры ў Хрыста
Уваскрослага”, - сказаў ён. Перад абліччам шматлікіх праблем і драмаў сучаснага свету,
на думку папы Францішка, прадстаўнікі розных хрысціянскіх канфесій павінны дзейнічаць
і выказвацца супольна: адказваць на глабалізацыю абыякавасці глабалізацыяй салідарнасці.
Святы
Айцец нагадаў, што выклікаў шмат: у некаторых краінах хрысціяне не маюць магчымасці
публічна вызнаваць сваю веру або жыцць паводле ўласцівых ёй маральных нормаў; падвяргаюцца
пераследу; становяцца ахвярамі тэрарызму, фундаменталізму і неўтаймаванага секулярызму;
вымушаюцца да бежанства. Усе гэтыя праблемы, на яго думку, падштурхоўваюць да пошуку
шляхоў да адзінства, каб “свет паверыў”, а самі хрысціяне напоўніліся даверам.
Адным
з такіх шляхоў, Папа назваў Эўхарыстыю, якая з’яўляецца таямніцай адзінства. Эўхарыстыя
– гэта “момант праўды”; у ёй найбольшым чынам выяўляецца сустрэча паміж ласкай Хрыста
і адказнасцю вернікаў. “Тут, у Эўхарыстыі, мы ясна адчуваем, што адзінства – гэта
дар, а ў той жа час адказнасць, вялікая адказнасць”, - сказаў Святы Айцец.