E diel 9 nëntor, Kisha katolike kremtone festën e Kushtimit të Bazilikës
së Lateranit në Romë. Pra liturgjia na kujton se ky tempull është katedralja e
ipeshkvit të Romës dhe Kisha nënë e të gjitha Kishave romake e, sidomos, se tempujt
e ndërtuar nga duart e njeriut janë në shërbim të gurëve të gjallë, do të thotë të
Kishës që secili nga ne është i thirrur ta ndërtojë në zemër të vet, së bashku me
të gjithë vëllezërit.
Të hënën me 10 nëntor, kalendari përkujton shën
Leonin e madh, papë e doktor të Kishës.Fjala e Zotit e ditës na kujton se
po të ecim sipas shembullit të atyre që e morën seriozisht mesazhin ungjillor, duke
flijuar jetën për të gjithë, mund të shpëtojmë nga çdo lloj skllavërie e të drejtohemi
nga të mirat e amshuara, që na janë premtuar.
Të martën me 11 nëntor, kalendari,
përkujtohet shën Martinin, ipeshkëv i Turit e shën Bartolomeun, abat i Grotaferratës.
Liturgjia e ditës na kujton se kush jeton për Zotin, dhuron gjithnjë me duar plot
e nuk mbetet kurrë i zhgënjyer.
Të mërkurën më 12 nëntor, kalendari
përkujton Shën Jozafatin, ipeshkëv e martir si dhe Shën Diegon, laik françeskan.Shenjtorët na kujtojnë se lutja e vazhdueshme dhe bamirësia, janë dy cilësitë
që e dallojnë të krishterin, i cili sillet kështu sepse përpiqet t’i ngjasë Zotit.
Duke jetuar me lutje e dashuri, ecim të sigurt në rrugët që çojnë drejt qiellit.
Të
enjten me 13 nëntor, do të kremtohet festën e Shën Nikollës I papë e të Shën
Agostina Pietrantonit, virgjër. Këta na kujtojnë se Jezusi i jep tri porosi atij që
dëshiron ta ndjekë: të mos largohet kurrë nga Zoti, të falë e të lypë dhantinë e fesë.
Besnikëria ndaj këtyre tri porosive sjell fryte që nuk mund të përfytyrohen.
Të
premten më me 14 nëntor, kalendari përkujton Shën Serapionin, ipeshkëv i Aleksandrisë,
qëna kujton se Jezusi na mëson të kënaqemi sepse jemi me Të e jo sepse bëjmë
ndonjë gjë. Rëndësi ka të jesh me Zotin; rezultatet e frytet, të cilat nuk janë në
dorën tonë, nuk i mungojnë njeriut që jeton me bindjen se shpëtimi vjen nga Zoti.
Të
shtunën me 15 nëntor kalendari përkujton Shën Albertin e madh, ipeshkëv
e doktor të kishës dhe Shën Jozef Pinjatelin, meshtar jezuit. Figurat e tyre
na kujtojnë se Jezusi shëroi shumë të gërbulur, po vetëm njëri u kthye ta falënderojë
atë, që ka forcë të shërojë sëmundjet e korpit e të shpirtit. I krishteri i vërtetë
duhet ta pranojë çdo çast pushtetin e Zotit mbi jetën e tij e duhet të jetë i vetëdijshëm
se është Hyji ai, që na prin drejt të mirave të jetës së amshuar
Të dielën
e ardhshme më 16 nëntor, Kisha katolike do të kremtojë të dielën e 33-të gjatë vitit
kishtar. Gjithnjë më 16 nëntor kalendari përkujton edhe kalendari kishtar kujton
shën Margeritën e Skocisë dhe shën Gjeltruden, virgjër benediktine. Liturgjia e ditës
na kujton se duhet të jemi gjithmonë gati për ardhjen e dytë të Zotit.