Ֆրանչիսկոս Սրբազան Քահանայապետին 6 նոյեմբերի գործունէութիւնը։

(Ռ.Վ. 6 նոյեմբեր 2014) Հինգշաբթի, 6 նոյեմբերի առաւօտեան Ֆրանչիսկոս Սրբազան Քահանայապետը, իր գրասենեակին մէջ ընդունեց Իտալիոյ Ճէնովայի Արքեպիսկոպոս եւ Իտալիոյ Եպիսկոպոսական համահաւաք դասի նախագահ` Կարդինալ Անճելօ Պանիասքոն որ վերջերս այցելած էր Սուրբ Երկիրը։
Սրբազան Հայրը ապա ընդունեց գերապայծառ Լէոն Քալէնկա Պատիքեպելէն` Էլ Սալվատորի մէջ առաքելական նուիրակ, հուսկ ընդունեց ` ''Աւետարանական համաշխարհային ուխտի'' մէկ պատուիրակութիւնը որմէ ետք ունկնդրութիւն շնորհեց Մալաուիի եպիսկոպոսներուն որոնք Հռոմ ժամանած են իրենց հնգամեայ կանոնական այցելութիւնները կատարելու սուրբ Պետրոսի յաջորդին։
Յայտնենք որ երէկ յետմիջօրէին, Ֆրանչիսկոս Սրբազան Հայրը, Վատիկանի Պօղոս Զ անուան սրահի քովնտի մէկ դահլիճին մէջ, առանձնական ունկնդրութիւն շնորհեց Տիկին Էսթելա Տէ Քարլոթթօյին ու անոր տարիներ ետք վերայայտնուած թոռնիկին` Ինիացիօ Կուիտօ Մոնթոյա Քարլոթթօյին։
Տիկ Տէ Քարլոթթոն նախագահն է ''Փլազա Տէ Մայոյի մեծ մայրիկներու'' ընկերակցութեան, Պուէնոս Այրէսի ''Տեզափարասիտոս – արեւանգուած ու անհետացած մանուկներու'', ծնողաց ընկերակցութիւն։ Սրբազան Հայրը ապա ընդունեց Քարլոթթօ ընտանիքի 18 անդամները։