Իտալիոյ Նիզիտայի բանտարկեալները ոգեկոչեցին սուրբ Յովհաննէս Պօղոս Բ -ի յիշատակը։

(Ռ.Վ. 6 նոյեմբեր 2014) Սուրբ Յովհաննէս Պօղոս Բ -ի տօնին առթիւ Նափոլիի շրջանի անչափահասներու Նիզիտա կղզիի բանտին մէջ, յիշատակուեցաւ սուրբ Յովհաննէս Պօղոս Բ-ի տօնը։
1990-ին Նափոլի քաղաքը կատարած այցելութեան ընթացքին երջանկայիշատակ Յովհաննէս Պօղոս Բ Քահանայապետը կոչ ուղղած էր քաղաքի անչափահասներուն հրաւիրելով զանոնք քաջ ըլլալու ու աշխատելու բարի սիրտ ունենալ։ Նափոլիի եկեղեցին արդարութեան նախարարութեան հետ միասին ուզեցին ոգեկոչել սուրբ Յովհաննէս Պօղոս Բ -ի տօնը յոյս ներշնչելու անչափահաս բանտարկեալներուն նոր թափով մը դիմագրաւելու համար կեանքը ու սիրելու իրենց քաղաքը։
Նշենք որ Նիզիտայի բանտին մէջ կը գտնուին 45 տղաներ եւ 5 աղջիկներ, դժբախտաբար անոնք զոհ են իրենց ապրած քրէական միջավայրին։ Բանտին մէջ դաստիարակիչները կ'աշխատին զանոնք վերակրթել ու արհեստ մը սորվեցնել, շահագործելով անոնց կարողութիւնները ու առիթ տալով նոր ու պարկեշտ կեանք մը սկսելու։