Սուրիոյ Հայ համայնքի դպրոցները կը շարունակեն գործել, թէեւ աշակերտներու թիւը կիսով չափ կրճատուած է։

Սուրիոյ համայնքի 50 տոկոսը դեռ երկրին մէջ է, որքան ալ զարմանալի է` դպրոցները կը գործեն, դասաընթացները բնական կ’ընթանան, թէեւ աշակերտներու թուաքանակը 50 տոկոսով կրճատուած է:
Այս մասին Tert.am-ի հետ զրոյցին ըսաւ «Սուրիահայերու խնդիրները համակարգող կեդրոնի» իրաւաբան Նայիրա Եդիգարեան` անդրադառնալով Սուրիոյ հայ համայնքի այսօրուան վիճակին:
«Ով ուզում է Սիրիայում ապրել, փորձում է չտեղաշարժուել, այստեղ եկածների մի մասն էլ է մտածում, որ անպայման կը վերադառնայ»,- ըսաւ ան:
Մեր զրուցակիցը նշեց, որ այնտեղ իրավիճակը կը շարունակէ անկայուն մնալ: «Մի օր ասում են` հանգիստ է, յաջորդ օրն ասում են` ահաւոր վատ է»,-ըսաւ ան եւ աւելցուց, որ հայերը հիմնականին մէջ աշխատատեղեր կորսնցուցած են, որ տնտեսական լուրջ խնդիրներ կ’առաջացնէ:
Նայիրա Եդիգարեան նկատեց, որ թէեւ գործողութիւնները հայերու դէմ չեն, բացի Քեսապէն եւ Տէր Զօրի Սրբոց Նահատակաց եկեղեցիէն, սակայն հայերը եւս կը տուժեն: