Papa Françesku në varrezat romake Verano, njeriu që beson se është “zot” shkatërron
botën. Njeriu-zot e shkatërron Tokën dhe shkakton urinë e të varfërve. Kështu
Papa Bergoglio ka shpreh dhimbjen e tij për rrënimin e shkatërrimtarëve, në homelinë
e Meshës kremtuar në varrezat romake Verano, më 1 nëntor, në solemnitetin e Të Gjithë
Shenjtorëve. Ati i Shenjtë Françesku u nis nga Leximi i liturgjisë marrë nga Libri
i Zbulesës së Gjonit, aty ku engjëlli thirri me sa zë kishte katër engjëjt, që kishin
marrë pushtetin të dëmtonin Tokën e Detin: “Mos i bëni dëm as tokës, as detit”. Ne jemi të aftë
ta rrënojmë Tokën më shumë se engjëjt. E njeriu, që tashmë ndjehen zot, rrënon gjithçka
e mënjanon të varfrit që lypin butë, fëmijët që janë të uritur. Dhimbja e Papës është
e fortë kur thotë se njerëzit sot janë në gjendje ta shkatërrojnë tokën, detin e pemët. “E
pikërisht ne jemi duke bërë: shkatërrimin e Krijimit, rrënimin e jetës, rrënimin e
kulturave, rrënimin e vlerave, shkatërrimin e shpresës. E sa nevojë kemi për forcën
e Zotit që të na vulosi me dashurinë e tij dhe me forcën e tij, për ta ndalur këtë
vrapim të çmendur shkatërrimi”. Njeriu është duke rrënuar pikërisht atë që
Zoti i ka dhënë, është duke rrënuar gjërat më të bukura që ka krijuar për të, që njeriu
të bënte që këto të rriteshin e të jepnin fryte. Papa Françesku pasi pa fotografitë
e para 71 vjetëve, kujtoi bombardimet e Romës të vitit 1943, që goditi lagjen romake
San Lorenzo, një akt “kaq i rëndë, sa i dhimbshëm”, tha, i cili, prapëseprapë është
asgjë në krahasim me atë që po ndodhin sot e me pasoja edhe më të mëdha se ky rrënim: “Njeriu
përvetëson e bëhet zot i gjithçkaje, e konsideron veten Zot, e konsideron veten Mbret.
E luftërat: luftërat që vazhdojnë, nuk janë saktësisht për të mbjell grurin e jetës.
Ato rrënojnë. Po është industri e shkatërrimit. Është një sistem jete që, kur gjërat
nuk mund të sistemohet, hidhen, mënjanohen: hidhen e përbuzen fëmijët, hidhet të moshuarit,
hidhet të rinjtë pa punë. Ky shkatërrim e ka krijuar kulturën e fundërrinës. Mënjanohen
popujt”. Tani fillon të ftohtit, e ka të varfër që ikin për ta shpëtuar jetën,
që jetojnë në shkretëtirë, në tenda, pa ilaçe, të uritur, sepse zoti-njeri e ka pushtuar
Krijimin, është bërë i zoti i asaj që Hyji e ka krijuar për njerëzit. Po kush e paguan
këtë? “Ata! Të vegjlit, ata që prej njerëzve janë shndërruar në fundërrinë.
E kjo nuk është histori e lashtë: ndodh sot. Them më tepër: duket se këta njerëz,
këta fëmijë të uritur, të sëmurë, duket sikur nuk kanë vlerë, thua sikur i përkasin
një fare tjetër njerëzore, madje duket sikur nuk janë njerëz. E kjo turmë është para
Zotit e kërkon: ‘Të Lutem, shpëtim! Ju lutem, paqe! Ju lutem, bukë! Ju lutem, punë!
Të lutem, bijë e gjyshëri! Të lutem, të rinjtë të mund të punojnë me dinjitet’! Po
edhe të persekutuarit, ndër ta, ata që janë të persekutuar për fe...”. E, në
ditën e festës të Të Gjithë Shenjtorëve, Papa kërkoi të kujtohen shenjtorët e panjohur
dhe pas atij rrënimi, pas imazhit të viktimave, ja imazhi i tretë, ai i Zotit dhe
bekimit të Tij, imazhi i shpresës: “Shpresa që Zoti të ketë mëshirë për popullin
e Vet, të ketë mëshirë për ata që janë ndër Mundime e Vuajtje të Mëdha. Edhe, të ketë
mëshirë për shkatërruesit e që këta të konvertohen. E kështu, shenjtërimi i Kishës
shkon përpara: me këta njerëz, me ne që do ta shohim Hyjit siç Ai është”.