Սպանացի Հայր Ասուա Մէնտիայի երանացման արարողութիւնը։

(Ռ.Վ. 1 նոյեմբեր 2014) Սպանիոյ Վիթորիա քաղաքի` Տիրամօր նուիրուած Անարատ Յղութեան տաճարին մէջ,շաբաթ, 1 նոյեմբերի, յետմիջօրէին ժամը 5,00 – ին, տեղի կ՝ունենայ Աստուծոյ ծառայ Փիէթրօ Ասուա Մէնտիա-յի երանացման արարողութիւնը՝ նախագահութեամբ Սուրբերու դատի ժողովի կառավարիչ` Կարտինալ Անճէլօ Ամաթոյին։
Հայր Ասուա Մէնտիա, ծնած է Վիթորիա քաղաքի Պալմասէտա կոչուած գիւղին մէջ,
30 օգոստոս 1890-ին։ Ան համալսարանական ճարտարապետական գիտութիւնը աւարտած է ՝1915-ին։
1920-ին, Վիթորիա քաղաքի նորընծայարան կը մտնէ, ապա՝ չորս տարի ետք , 14 յունիսին քահանայ կը ձեռնադրուի։
Հայր Մէնտիա 29 օգոստոս 1936-ին, Սպանիոյ մէջ քաղաքացիական պատերազմի շրջանին, կը սպաննուի իր քրիստոնէական հաւատքին կառչած մնալուն համար։
Հայր Մէնտիայի երանացման արարողութեան առընչութեամբ, Սուրբերու դատի ժողովի կառավարիչ Կարտինալ Անճէլօ Ամաթոն , Վատիկանի ձայնասփիւռի կայանի հետ ունեցած հարցազրոյցին մը ընթացքին յայտնեց, թէ Եկեղեցին երբեք չմոռնար իր զաւակներու հերոսութիւնները եւ կը հրաւրիէ բովանդակ աշխարհը չկրկնելու տմարդկային արարքները սպաննելով եղբայարակիցները։