2014-11-01 12:06:13

Ամենայն Սրբոց տօնին առթիւ Ֆրանչիսկոս Սրբազան Քահանայապետի պատարագը Հռոմի ''Քամփօ Վէրանօ'' անուամբ գերեզմանատան մէջ։


(Ռ.Վ. 1 նոյեմբեր 2014) Շաբաթ, նոյեմբեր մէկի յետմիջօրէի ժամը 4-ին, Ամենայն Սրբոց տօնին առթիւ, Ֆրանչիսկոս Սրբազան Քահանայապետը, Հռոմի յուշարձանային Քամփօ Վերանօ գերեզմանատան մուտքի տարածքին, կը գլխաւորէ սուրբ պատարագի արարողութիւնը որուն աւարտին տեղի կ՛ունենայ հոգեհանգստեան պաշտօն եւ շիրիմներու օրհնութիւն։
Նորին Սրբութեան հետ կը համապատարագեն Հռոմի թեմի տեղակալ արքեպիսկոպոս` Կարդինալ Ակոսդինօ Վալլինին, թեմին եպիսկոպոսները եւ ''Սան Լորէնցօ Ֆուորի Լէ Մուրա'' եկեղեցւոյ ժողովրդապետ Հայր Արմանտօ Ամպրոզին մինչ Սուրբ զոհին սպասարկութիւնը կը կատարեն Հռոմի թեմի չորս մնայուն սարկաւագներ ու 13 երիտասարդներ։ Արարողութեան ընթացքին, Վերանոյի Տիրամօր արձանին մօտ կը տեղադրուին Յովհաննէս Պօղոս Բ եւ Յովհաննէս ԻԳ երկու Սուրբ Քահանայապետերու մասունքները։ Օրուան աւետարանը քաղուած է Մատթէոսի աւետարանէն (գլուխ 5, 1-12). Երանութիւններու աւետարանը` ''ցնծացէք եւ ուրախացէք որովհետեւ ձեր վարձատրութիւնը մեծ պիտի ըլլայ երկինքի մէջ''։








All the contents on this site are copyrighted ©.