(Ռ.Վ. 1 նոյեմբեր 2014) Քահանայապետական աղօթքի դիտաւորութիւնները որ ընդհանրապէս
ստորաբաժանուած են ''ընդհանրական եւ միսիոներական'' աղօթքի դիտաւորութիւններու, 2014-էն
սկսեալ ստանձնեցին ''տիեզերական'' եւ ''աւետարանումի'' խորագիր կրող աղօթքի դիտաւորութիւններ,
շեշտը դնելու համար աղօթքի կեդրոնականութեան վրայ եւ վերարծարծելու 2012-ի նոր աւետարանութեան
մասին տեղի ունեցած սիւնհոդոսի կարեւորութիւնը։ 2014-ի Նոյեմբեր ամսուայ որպէս աղօթքի
դիտաւորութիւն ընտրուած է. ''Տիեզերական'' աղօթքի դիտաւորութիւն` ''Որպէսզի առանձնութենէ
տառապող անձերը փորձարկեն Աստուծոյ մօտիկութիւնն ու եղբայրակիցներուն թիկունքը''։ Իսկ
որպէս ''Աւետարանութեան'' դիտաւորութիւն` ''Որպէսզի երիտասարդ ժառանգաւորները, կրօնաւոր
եւ կրօնաւորուհիները ունենան պատրաստուած եւ իմաստուն կազմաւորողներ''։