Papa, karizmatikëve: mos të kemi frikë nga dallimet, të lirë të mendojmë ndryshe
Kisha ka nevojë për Shpirtin Shenjt. Kështu pohoi sot Papa Françesku në fjalimin drejtuar
anëtarëve të shoqatës karizmatike botërore ‘Catholic of Charismatic Covenant Communities
and Fraternity’, pranuar në Vatikan, me rastin e Konferencës së tyre të 16-të ndërkombëtare.
Ati i Shenjtë Bergoglio ripohoi se uniformiteti nuk është katolikë dhe vuri theksin
mbi ekumenizmin shpirtëror e atë të gjakut që bashkon shumë të krishterë martirë në
vise të ndryshme të botës. “Sot gjaku i Jezusit, i derdhur prej shumë martirëve të
krishterë në vise të ndryshme të botës, na kërkon e na shtyn drejt unitetit. Për persekutorët
ne jemi një! Ekumenizmi i gjakut. Mos harroni: kërkojeni unitetin që është vepre e
Shpirtit Shenjt e mos keni frikè nga diversiteti”. Ati Shenjtë pra, kërkon ekumenizmin
shpirtëror: “të lutemi së bashku e të kumtojmë se Jezusi është Zot e së bashku të
ndërhyjmë në ndihmë të të varfëve, në të gjitha varfëritë e tyre”. Papa foli përsëri
mbi temën e universalitetit në diversitet, e nënvizoi rëndësinë që ka “të dish të
dëgjosh, t’i pranosh me gëzim dallimet, të kesh lirinë për të menduar ndryshe e atë
ta shfaqesh! Me tërë respektin për tjetrin që është vëllai im”. “Uniteti – kujtoi
Papa – nuk është uniformitet, uniformiteti nuk është katolikë, nuk do të thotë të
veprosh detyrimisht gjithçka së bashku, as të mendosh në të njëjtën mënyrë, as ta
humbasësh identitetin. Uniteti në diversitet është saktësisht i kundërt, do të thotë
të njohësh e të pranosh me gëzim dhuratat, dhuntitë që Shpirti Shenjt i jep çdonjërit
për t’i vendosur në shërbimin e të gjithëve, në Kishës”. “Kisha, shtoi Ati i Shenjtë
Françesku, “ka nevojë për Shpirtin Shenjt”, “çdo i krishterë, në jetën e tij, ka nevojë
ta hapi zemrën ndaj veprimit shenjtërues të Shpirtit Shenjt”. E ftoi botën karizmatike
ta ndajë këtë përvojë me të tjerët, të “jetë dëshmitare e kësaj” ngjarjeje të bukur.
Në vijim Papa foli për rëndësinë që ka lutja në jetën e besimtarit. Lutja mund të
krahasohet me frymëmarrje. “Kur marrim frymë, në lutje – vërejti Papa – ne pranojmë
ajrin e ri të Shpirtit, e të nxitur nga ky Shpirt ne kumtojmë Jezu Krishtin”. “Askush
nuk mund të jetojë pas frymëmarrje. E njëjta gjë vlen edhe për të krishterin: pa lavd
e pa mision nuk mund jetohet si i krishterë. E me lavd, me adhurim, po. ‘Po çka ndodhë
në lutje?’ – ‘Çka i kërkojmë Zotit, e falënderoj, e po lutja shndërrohen në ndërmjetësim...’.
Po adhurimi, të adhurosh Zotin. Pikërisht kjo është ajo pjesë e frymëmarrjes: lavdi
e adhurimi” Zotit. Shoqata e karizmatikëve që bashkon lëvizjet karizmatike katolike
në mbarë botën udhëhiqej nga predikatari i Shtëpisë Papnore, atë Ranieo Cantalamessa.
I pranishëm në takim me Papën edhe pastori Giovanni Traettino, mik i madh i Joerge
Mario Bergoglio.