Papa Françesku: mjaft grindjeve e mënjanimeve, sepse kështu nisin luftërat
Mjaft me ndarje, grindje, mënjanime. Kështu nisin luftërat. Papa Françesku, para mase
45 mijë shtegtarëve e besimtarëve të ardhur nga çdo anë e botës për Audiencën e përgjithshme
në Sheshin e Shën Pjetrit në Vatikan, vijoi ciklin e katekizmit kushtuar Kishës e
meditimin e tij të sotëm e përqendroi mbi Kishës, si “Korp i Krishtit”. Papa Bergoglio
reflektoi mbi atë që ndodhë akoma sot nëpër komunitete: “ t’i mendojmë komunitetet
e krishtera, të mendojmë në atë që ndodhë nëpër lagje tona të sotme: sa ndarje, grindje,
përjashtime, përbuzje. Kjo na duket se është gjendja, kështu nisin luftërat. Luftërat
nisin pikërisht kështu, në zemër”. Papa Françesku, gjatë katekizmit të sotme në
audiencë të përgjithshme, fton mos “të jemi xhelozë por t’i vlerësojmë cilësitë e
vëllezërve tanë. Mjaftë xhelozive: sa herë ndodhë kjo kur për shembull njëri blen
një makinë”, thotë Ati i Shenjtë Bergoglio duke marrë një shembull konkret. “Kjo ndjenjë
më duket – nënvizon – se bënë keq. Një zemër xheloze është e vrazhdë, jo e lumtur,
e shkretë. E atëherë çka duhet bërë? T’i vlerësoj dhantitë dhe cilësitë e vëllezërve.
T’u shpreh të gjithëve mirënjohjen. Të gjithë ne a dimë të themi faleminderit? – pyet
Papa Françesku duke iu drejtuar të pranishmëve në sheshin e Shën Pjetrit -. Smira
e xhelozia na frenojnë”. Ja, prandaj, këshilla: “ ti kujtojmë mëkatet tona. E nganjëherë
ta mbyllim gojën. Kjo na bënë mirë, të jemi të rrënjosur në dashuri e dashamirësi”. Kundër
“ndarjeve”, “smirave”, “moskuptimeve” që e “copëzojnë Kishën”, Papa sugjeron, siç
bëri shën Pali me Korintianët, në rend të parë të “mos jemi xhelozë”, po t’i vlerësojmë
“dhuratat e tjerëve”, e të mos kemi zemër ziliqare, të mos ndjehemi “më superior ndaj
të tjerëve”, të jemi të përzemërt e plotë mirëkuptim.