Երանելի Հայր Ժոզէֆ Վազի սրբադասումը տեղի պիտի ունենայ Ֆրանչիսկոս Քահանայապետի Սրի
Լանքա կատարելիք առաքելական ճամբորդութեան ընթացքին
(Ռ.Վ. 21 հոկտեմբեր 2014) Յառաջիկայ յունուար 2015-ին, Ֆրանչիսկոս Քահանայապետը,
Սրի Լանքա կատարելիք առաքելական ճամբորդութեան ծիրէն ներս, Սուրբ պիտի հռչակէ հնդիկ
առաքեալ՝ Երանելի Հայր Ժոզէֆ Վազը ։Այս մասին յայտնեց Վատիկանի Մամլոյ գրասենեակի ընդհանուր տնօրէն, Հայր Ֆետերիքօ Լոմպարտին, երկուշաբթի, 20 հոկտեմբերին, Վատիկանի մէջ գումարուած կարտինալական ժողովի աւարտին։
Սրբադասման արարողութիւնը տեղի պիտի ունենայ յառաջիկայ 14 յունուարին 2015-ին Սրի Լանքայի մայրաքաղաք Քոլոմպօ քաղաքին մէջ։
Սրի Լանքացի Հայր Ժոցէֆ Վազը Երանելի հռչակուած է Սուրբ Յովհաննէս Պօղոս Քահանայապետի կողմէ՝ 1995 թուականի Սրի Լանքա կատարած Առաքելական ճամբորդութեան ընթացքին։
Երանելի հայր Ժոզէֆ Վազը ծնած է 1651-ին, Կոա քաղաքին մէջ, ան քահանայ ձեռնադրուած է 1676-ին ։ 1658 թուականին, Կաթողիկէ եկեղեցին մեծ տագնապի մէջ կը գտնուէր . կղերականները վտարուեցան երկրէն եւ մեծ հալածանքներու ենթարկուեցան։
Հայր Վազը կամաւոր կերպով որոշեց մնալ երկրին մէջ , ան կրցաւ ճարպիկութեամբ սիրաշահիլ երկրի Պուտտիսթ թագաւորը եւ մնաց միակ կաթողիկէ կղերականը որ ծածուկ կերպով շարունակեց քարոզել Քրիստոսի աւետարանը։
Հայր Ժոզէֆ Վազը 1711-ին՝ 59 տարեկանին, կնքեց իր մահկանացուն ։
| All the contents on this site are copyrighted ©. |